НАШАТА ПРИКАЗНА

YVES ROCHER - СТРАСЕН, ПОСВЕТЕН ВИЗИОНЕР        

Г-дин Yves Rocher е роден во 1930 година во La Gacilly, место кое се наоѓа во близина на легендарната шума Brocéliande. Близината до оваа необична средина влијае на човекот и неговото формирање. Сметаме дека затоа му било многу интуитивно да размислува во насока на производи кои се базираат на целосно природни состојки. На 14-годишна возраст, тој дошол во сопственост на локален традиционален рецепт на база на златица. Одлучува самостојно да ја произведе оваа маст на таванот на неговата куќа. Мастата била многу ефикасна, поради што дошол на идеја да ја продаде... Продажбата започнала многу успешно и од тој момент започнува една прекрасна авантура...

ГОДИНИТЕ МИНУВААТ, ВИЗИЈАТА ОСТАНУВА     

Денес, со компанијата управува неговиот внук, Bris Rocher. Заедно со Rocher Group, чиј дел сме и ние, нашиот успех го базираме на квалитетот на услугата и производите. Светот се промени, компанијата се развиваше, но нашата визија остана иста од самиот почеток.

СЕМЕЈНА ФИРМА СО МЕЃУНАРОДЕН КАРАКТЕР

La Gacilly не е само родното место на г-дин Yves Rocher и брендот што тој го создаде. Тоа е местото каде што се наоѓаат нашите ниви кои ги обработуваме со многу страст, лабораторијата за истражување на растенијата и капацитетите за производство на вашите омилени производи. Има дури и наши пчели кои опрашуваат скапоцени растенија, а има и прекрасна ботаничка градина и цела низа животни за кои се грижиме. Нашите работни методи и верувања се такви што секој процес мора да биде наша одговорност и да немаме посредници во ниту еден чекор од производството! Тоа е најголемиот луксуз што можеме да им го обезбедиме на нашите лојални купувачи со исклучителен сооднос цена-квалитет.