ЕКОЛОШКИ ДИЗАЈН НА ПРОИЗВОДИТЕ И ЗАШТИТА НА ПРИРОДАТА
Пред неколку години решивме значително да го намалиме негативното влијание на пакувањето на производите врз животната средина. Му пристапивме на дизајнот на пакувањето од еколошка гледна точка и го усвоивме она што сега го нарекуваме Еколошки пристап на дизајнот.
РАЗМИСЛУВАЊЕТО ЗА ВЛИЈАНИЕТО ВРЗ ЖИВОТНАТА СРЕДИНА КАЈ НАС СЕ ПОДРАЗБИРА
Во Yves Rocher тоа е начин на живот, во секој здив можете да почувствувате грижа за околината и природата, може да ја видите дури и на земјата по која одиме, емоциите се чувствуваат многу силно... Најдобро од се е тоа што не треба да одите на другата страна на светот за да бидете убедени во тоа! Нашата посветеност започнува таму каде што е направено сè - во срцето на Франција, во малиот град La Gacilly. Тоа е родното место на нашиот основач, г-дин Yves Rocher, но и местото каде што денес се наоѓаат нашите полиња и производствени капацитети.
Дали некогаш сте слушнале дека местото каде што има производствен, индустриски капацитет се нарекува и место со висок биодиверзитет? Комбинацијата на чиста индустрија и бујна флора и фауна ја доведовме до совршенство, а местото хармонично коегзистира со природата уште од првиот ден (веќе повеќе од 60 години!).
Од почетокот ни беше јасно дека производствените капацитети се можни во средина со недопрена природа, но дека на производството мора да му пристапиме на сосема еколошки начин. Нашето мото кога станува збор за производството беше лесно изведено од ова: ќе ги произведуваме нашите производи само ако за нив е возможен одржлив развој, притоа почитувајќи ја биолошката разновидност. Истовремено, нема компромис во однос на квалитетот, перформансите и задоволството на нашите клиенти.
БОТАНИСТ, ЗЕМЈОДЕЛЕЦ, ПРОИЗВОДИТЕЛ И ТРГОВЕЦ
Да, сето ова сме ние. И не губиме фокус на квалитетот во ниту едно од споменатите полиња. Овој начин на работа, во кој сме задолжени за секој чекор во бизнисот, не е лесен. Нема посредници и целата одговорност е на нас. Баш како што ни се допаѓа! На овој начин, можеме да им гарантираме на нашите купувачи стручност за апсолутно секој елемент од производниот синџир и да гарантираме бескомпромисен еколошки пристап.
Овој пристап се заснова на 3 постулати: намали – повторно употреби – рециклирај. Овие три термини беа доволни да опишеме на што сме фокусирани и колкава одговорност сакаме да превземеме за нашата планета.
На англиски јазик, би можеле да кажеме дека ни се всадени 3R: REDUCE – REUSE – RECYCLE.
НАМАЛИ/REDUCE ги непотребните додатоци за пакување, задржи го само она што е неопходно
Помалку непотребно произведен материјал, повеќе чиста природа. Овој едноставен принцип е многу важен за нас. Ја намаливме потрошувачката на материјали од необновливи извори за да го намалиме нашето влијание врз животната средина.
Нашата амбалажа ја испративме на диета! :)
Пример се нашите концентрирани гелови за туширање и шампони кои се мали, но моќни. Со завидни 50% помалку пластика во споредба со нашите класични производи*, тие се најубавиот приказ на нашата посветеност кон природата.
*Во споредба со пакувањата со гел за туширање од 400 ml и шампон од 300 ml.
Дали знаете што е секундарно пакување?
Кога купувате, да речеме, крема за лице во Yves Rocher, таа доаѓа во стаклен сад кој дополнително е спакуван во картонска кутија. Така е и со парфемите.
И секундарното пакување драстично го намаливме онаму каде што не е потребно, а исто така гарантираме дека онаму каде што се користи, хартијата и картонот доаѓаат исклучиво од одржливо управувани шуми кои имаат сертификати со кои дополнително гарантираат дека биодиверзитетот е зачуван при сечата.
ПОВТОРНО УПОТРЕБИ/REUSE и на тој начин подари му втор живот на пакувањето
Не сакаме да ги фрламе работите. Рециклираме колку што е можно повеќе пати. Веруваме дека за секој проблем има решение и не се чувствуваме убаво кога гледаме контејнери преполни со отпад. Отпадот за нас не е ѓубре и треба да биде синоним за одржливост и повторна употреба.
Еве пример од нашата фабрика! Вишокот картон по производството на кутии за производи добива нов живот со негово пренаменување во кутии за пакети за подароци и сетови на производи. Погледнете ги етикетите на нив следниот пат кога ќе купите подарок за некој близок или ќе го добиете омилениот сет на производи од Yves Rocher на подарок! ;)
РЕЦИКЛИРАЈ/RECYCLE бидејќи нашите формули заслужуваат пакување кое не е само еколошки дизајнирано, туку е и повеќе од тоа
Како да го намалиме производството на непотребен материјал кој што повторно ќе го употребиме ако не го рециклираме?
користиме рециклиран материјал. Притоа не го намаливме квалитетот, ние всушност постојано го подигаме.
Од октомври 2020 година, сите шишиња што ги напуштаат нашите производствени капацитети се направени од 100% рециклирана пластика и пластика која е погодна за понатамошно рециклирање. Со оваа заложба го намаливме производството на 2700 тони нова пластика! Не е важно само да се сака и да се зборува, важно е да се делува и навистина да се превземат сите потребни активности за да се премине од зборови на дела!
Продолжуваме со нашиот приоритет, а тоа е стакло пред пластика, секогаш кога е можно. Сите знаеме дека стаклото може да се рециклира бесконечен број пати! :)
ШТО ЌЕ ПРАВИМЕ ВО ИДНИНА?
Ќе додадеме уште една буква R - RETHINK / РАЗМИСЛИ!
Посветената и внимателна убавина, според нас, нема граници.
Постојано сме во потрага по иновации за да им обезбедиме на нашите купувачи природна, автентична и одговорна убавина и решенија кои уште повеќе ја штитат животната средина.
Благодарение на вас, размислувањето за иднината е малку полесно. Многу години сме активни членови на Фондацијата Yves Rocher и нејзината програма Plant for the Planet.
Кога купувате еден концентриран гел за туширање или концентриран шампон за коса, Фондацијата Yves Rocher засадува едно дрво. Еве ги неверојатните бројки: За 13 години се засадени над 100 милиони дрвја, што значи дека на секои 4 секунди се сади по едно дрво! Со нетрпение очекуваме да видиме колку дрвја ќе бидат засадени оваа година и дали ќе ја надминеме бројката од претходната година!
И не заборавајте, секогаш кога рециклирате, на отпадот му давате втор живот. :)
